Рассол концентрацияси одатда шиша ареометр ёрдамида аниқланади. Тузли сув цилиндрга ёки 100-500 мл сиғимли бошқа баланд идишга қуйилади. Ҳарорат 10°C даражага кўтарилади ва эритманинг зичлигини 1005 дан 1200 кг/м3 гача ўлчаш учун унга ареометр туширилади. Ареометрдаги кўрсаткич цилиндрдаги ареометрнинг барқарор ҳолати билан менискнинг пастки четида ҳисобланади. Ареометр цилиндрнинг деворларига тегмаслиги керак. Рассол концентрацияси жадвалга мувофиқ аниқланади.

Шўр сувнинг зичлигини бошқа усул билан аниқлаш осон. Бунинг учун лаборатория тарозисида 50 мл шўр сувни (10°C ҳароратда) 0,01 г аниқлик билан тортинг.Олинган натижа (грамм билан ифодаланган шўр сув массаси) 50 га бўлинади (шўр сув ҳажми). Натижада шўр сувнинг тахминий зичлиги олинади. Энди жадвалга мувофиқ шўр сувдаги туз концентрациясини аниқлашингиз мумкин.

Энди эса бир вақтнинг ўзида ҳам тузли сув зичлиги ҳам унинг таркибидаги туз концентрациясини аниқлашнинг замонавий усулига келсак. Бунда бизга рефрактометр деб аталувчи ускуна ёрдамга келади.

Бунда сизга мураккаб амаллар бажариш ва жадваллар керак бўлмайди. Ускуна бир вақтнинг ўзида рассол концентрацияси ва зичлигини кўрсатади. Ва бунинг учун сиз ускуна линзасига 2 томчи тузли сув намунасини томизишингиз кифоя.
Ускуна автоматик ҳарорат компенсацияси, IP 65 ҳимояли корпус ва икки қаторли катта LCD дисплей билан жихозланган. Бундан ташқари сиз бу ускуна ёрдамида озиқ-овқат маҳсулотлари ва турли хил эритмалардаги туз (NaCl) концентрациясини аниқлашингиз ҳам мумкин.

---