Сигирларнинг сут бериш даври соғишга боғлиқдир. Соғин сигирларда соғувчиларни кўриниши, соғиш идишларининг тарақ–туруғидан уларда шартли рефлекс ҳосил бўлади, яъни сут беришга тайёрланади. Бунда елин алвеолалари қисилади, елин цистернасини силлиқ мускуллари гипофизни окситоцин гормони таъсирида бўшашади.

Қўл билан соғиш усули. Бунда асосан елинга муштлаб соғилади. Сўрғичи ингичка, калта, кичик бўлса бармоқ билан босилиб соғилади. Бундай сигирларга тажрибали соғувчилар беркитилади. Қўл билан соғилганда токи сут тугагунча тез ҳаракат қилиш керак, яъни бир дақиқада 80 – 90 марта сўрғични қисишга тўғри келади.

Машина билан соғиш. Машина билан соғишга елини яхши ривожланган, сўрғичлари тўғри жойлашган, узунлиги 8 – 9 см ва йўғонлик диаметри 2 – 3 см бўлган сигирлар танланади. Узун ва ингичка ёки йўғон ва калта сўрғичли, елин касали билан касалланган сигирларни машина билан соғиб бўлмайди. Сигирларни соғиш вақтида сут бериш тезлигига қараб гуруҳларга ажратилади. Соғиш аппарати елин яхшилаб ювилгач сочиқ билан қуруқ қилиб артилиб, 1-2 дақиқа массаж қилингандан кейин сўрғичларга кийгизилади. Соғиш даври 6 – 7 дақиқа, яхши уюштирилган хўжаликларда эса 4 – 5 дақиқа давом этади. Машинага ўрганган сигирлар сутни жуда тез, яъни дақиқада 1,5 – 2 литргача беради. Сигир соғилгандан кейин тезда машинани сўрғичлардан ажратиш керак.

Машина билан соғишнинг яна бир қанча афзалликлари бор. Биринчидан, соғиш тезлигининг юқорилиги. Соғиш аппарати ёрдамида соғиб олинган сут идеал равишда тоза бўлади, яъни соғиш жараёнида унга жун, аҳлат ва бошқа ёт моддалар тушишидан ҳимояланган бўлади. Ундан ташқари ваккум кучи туфайли аппарат сигир елинини массаж қилади, бу эса сигир соғлиги учун жуда фойдали ҳисобланади.
Шундай экан биз сизга сигирлар учун сут соғиш аппаратларини тавсия этамиз.

---